今日下午日職前列大戰，「3哥」大分三神主場火併「4哥」川崎前鋒。前鋒啱啱喺亞冠盃分組賽贏波出局，士氣低落，主力射手小林悠亦傷患纏身，相反三神近7場不敗之勢兼有地利，仲有得受讓咁筍，讓球主勝有買趁早。
(有線662及602台周日下午3時直播)
前鋒雖然連續2季於日職封王，但同上季一樣，佢哋今季同時兼顧亞冠盃，聯賽就出閘脫腳，頭6輪聯賽僅1勝，即使近期聯賽表現明顯回勇，但喺周中亞冠盃尾輪大勝FC悉尼4粒後，仍以1分之差落後上海SP慘遭淘汰，連續2屆於分組賽提早畢業，無論對體力、士氣均打擊甚大。最弊係前鋒射手小林悠傷患未清，已經連續2場倦勤，今場亦上陣成疑，連同奈良龍樹、家長昭博等未好番，小將宮代大聖又正為日本U20出戰世青盃，前鋒人腳堅唔整齊。
川崎讓波反得過
升班球隊大分三神，喺已有7個聯賽入球嘅箭頭藤本憲明率領下，今季異軍突起，開咧後聯賽僅2敗只失7球，係日職失波第2少嘅球隊，仲打起埋門將小島亨介、後衞岩田智輝兩名22歲新任大國腳。單計聯賽，三神近7場更取得4勝3和未輸過，信心爆棚，呢類球隊喺升班初期打道氣，道氣未洩通常會旺一段時間，今場面對殘陣前鋒，此消彼長千萬唔好拗頸，相信三神可藉地利有分落袋，有得受讓必捧讓球主勝。
