周三早上南球盃第二圈次回合大戰連場，阿King有過關心水梗係同大家分享。其中獨立隊會返到主場再鬥阿古拿斯。首回合雖然以2比3輸波，不過貴為阿甲傳統勁旅，獨立隊主場出戰南球盃不嬲有一手，呢場有望乘主場之利反先，讓球主勝好路。（周三早上6時15分開賽）
2017年曾經捧起南球盃嘅阿甲傳統勁旅獨立隊，首回合作客雖然以2比3不敵哥倫比亞球隊阿古拿斯，好在施斯里奧杜明基斯同施維奧羅美路兩大攻擊手挺身而出，為球隊搶得2個關鍵作客入球，晉級希望尚未幻滅。尤其獨立隊主場優勢明顯，近6仗南球盃主場全勝，當中有5場係淨勝對手2球或以上，呢場對住有主力中場法蘭斯高洛迪古斯停賽嘅殘陣阿古拿斯，獨立隊返到主場有力反勝，讓球主勝唔好錯過。
串高隆細梅格半場和
另外有高隆主場對蒙特維多河床，出戰南球盃踢法保守嘅高隆，首回合以0比0悶和對手，球隊近4次南球盃主場全開2球或以下，呢場就算贏波都好難大炒對手，入球細值得再追。最後有梅格主場迎戰基多天主教大學，梅格首回合被炒6蛋，仲有艾雲高美斯領紅被驅要停賽，呢場想反敗為勝幾乎冇可能，轉捧半場和好過。
