為美洲國家盃練兵
周三晚國際熱身賽，「藍武士」日本主場迎戰中北美洲球隊千里達；「藍武士」為備戰美洲國家盃唔會「揸流攤」，加上佢哋近5次鬥中北美洲代表攞到4勝1和，5次都能夠喺半場領先對手，如果嫌主W太熱，不妨改捧半場主勝。
（有線601及661台周三晚6時30分直播）
「藍武士」月中將以嘉賓球隊出戰美洲國家盃，由於佢哋係明年奧運主辦國，所以主帥森保一早講明會用今次美洲盃練兵，大部分奧運主力包括久保建英、三好康兒、安部裕葵都有入選，而且為平衡經驗不足嘅問題，森保一亦徵召咗兩名外流球員中島翔哉及植田直通，配合3大老將前鋒岡崎慎司、中場柴崎岳及門將川島永嗣，集活力、經驗於一身，戰鬥力有保證。
千里達月中亦要出戰美洲金盃，不過佢哋對上3場熱身賽全部輸晒，當中對手包括2支亞洲球隊泰國及伊朗，實力、狀態皆不足，加上日本近年對中北美洲球隊特別有計，對上5次交鋒唔單止取得4勝1和，而且5次都喺上半場已經取得領先，盡顯急先鋒本色，如果嫌今場主W冇肉食，讓球主客和讓2球又太多的話，不妨轉敲半場主勝。
