周五凌晨西乙附加賽首回合，馬略卡將會先喺主場鬥阿爾巴塞特，等阿King我度番條過關好路畀大家！馬略卡臨近季尾踢法轉趨保守，尤其開局取態穩打穩紮，加上對手阿爾巴塞特首回合好大機會睇定嚟踢，兩軍比賽初段隨時陷入膠着，半場和屬好路。（周五凌晨3時開賽，馬會網上文字直播）
早年曾經長踞西甲嘅馬略卡，自13/14賽季降班之後，近年一直喺西乙掙扎，更一度跌落西乙B低組別聯賽。不過今季重返乙組後成功強勢反彈，更搶得附加賽資格，力爭最後一位升上西甲嘅席位。球隊季尾踢法穩陣，甚少於比賽初段搶攻，近7仗有6次半場同對手打和，今仗為免過早陷入被動，開局相信都會以守代攻。
況且對手阿爾巴塞特亦非傳統勁旅，附加賽經驗不算豐富，今仗造訪馬略卡應該唔敢冒進，寧願留待次回合返主場再鬥過，半場和值得留意。
戈亞斯殘陣捧對家
去到周五早上有多場巴甲上演，其中戈亞斯主場面對帕拉尼恩斯；戈亞斯中場核心李奧辛拿同防線主力大衞杜亞迪因傷缺陣，實力大受影響，一於吼客勝；最後彭美拉斯主場對艾華爾，彭美拉斯兩位主力後衞美基洛查同盧恩泰施拿齊齊倦勤，令後防留下隱患，今場隨時被對手有機可乘，入球大值博。
