揭幕戰砌玻利維亞
巴西衝冠第一擊，2019年美洲國家盃開打！每逢做主辦國都捧盃嘅巴西，揭幕戰迎戰弱旅玻利維亞。「森巴兵團」臨開波前有王牌尼馬因傷退隊，對鋒力有一定影響，既然巴西近屆美洲盃首戰比較慢熱、入球較少，今場料難以大炒死守的玻利維亞，中位數3.5球入球細值得一試。
（Now 650周六早上8時30分直播）
球員配合重新適應
巴西貴為今屆東道主，對美洲盃冠軍志在必得，今次亦徵召了最強陣容出擊。古天奴、法明奴、加比爾捷西斯、丹尼爾等豪門主力均喺陣中，不過王牌前鋒尼馬早前於國際賽右足踝韌帶受傷，再加上受到強姦醜聞困擾，最終被迫退隊，巴西補選車路士翼鋒韋利安入伍，但侵略性自然冇尼馬咁高。森巴鋒線仍然係星光熠熠，但巴西戰術一向為尼馬度身訂造，如今要一眾鋒將重新適應，實在難以一時三刻即時撻着，其強大火力難免受削。
另邊廂，玻利維亞一向靠高原主場搵食，離開自己地頭實難有作為，從玻軍近2屆美洲盃共出戰6場5度落敗，可見一斑。玻利維亞今次點兵以土炮為主，首席射手馬些路摩連奴亦只是在中甲搵食，佢吔近6場有5仗食白果，火力極為疲弱，幸好防守尚算穩陣，上述6場亦只失6球，可見玻利維亞甚有自知之明，比賽中往往死守打突擊，只求輸少當贏。
踢法慢熱旺細盤
翻查紀錄，巴西作風一向慢熱，近6屆美洲盃首戰錄得2勝2和2負，6場合共僅入3球，當中5次開2球或以下，今場預計巴西只能小勝玻利維亞，主勝賠率乏味，改捧中位數3.5球入球細最明智。
