今晚女子世盃分組賽尾輪賽事，其中直播戲碼B組有中國女足硬撼西班牙女足。「鏗鏘玫瑰」為爭出線機會，面對同分嘅西班牙女足，仍會採取穩中求勝策略，加上王牌王霜復任正選，仲有得受讓必捧讓球主勝。
（有線604及603台周二凌晨零時直播）
先講講B組形勢，德國女足2戰全勝以6分排榜首，西班牙女足與中國女足同得3分緊隨其後，「女狂牛」暫憑較佳得失球居次席，要知道除咗每組頭兩名可出線外，6組中4支最佳第3名亦可晉級16強。首輪輸波嘅中國女足，隨着上仗小勝南非女足1比0，今仗打和亦有機會成為其中一支最佳第3名，但仍要視乎其他組嘅情況而定，存在一定變數，為確保出線，最穩陣方法就係贏波。有傳與主帥賈秀全不和嘅主力王霜，上仗已復任正選，有助加強攻力。與中國女足一樣，西班牙女足同樣頭兩輪獲1勝1負，贏嗰場係反勝南非女足3比1，表現唔算標青，「鏗鏘玫瑰」一向防守穩健，有力頂住博偷雞，受讓必捧讓球主勝。
A組法國尾輪照炸尼日利亞
至於A組方面，東道主法國女足迎戰尼日利亞女足，法國女足頭兩場贏晒狂轟6粒，包括擊敗勁旅挪威女足，主力娜森瑪更有3球進帳，盡顯霸氣，尼日利亞女足雖然上仗贏波，但表現飄忽，難擋東道主嘅狂轟猛炸，直取讓球主勝。
