美聯盃8強明早一觸即發，當中ＦＣ洛杉磯主場同波特蘭伐木者重演上屆8強戲碼。ＦＣ洛杉磯今季喺射手卡路士韋拿帶領下，繼續大踢進攻足球，有本錢摧毀伐木者，讓球主勝唔好錯過。
（周四早上10時30分開賽）
上季先首度征戰美職嘅ＦＣ洛杉磯，今季令人驚喜，除高踞東岸榜首外，美聯盃亦殺入8強階段，今場遇老對手伐木者，贏面高唱入雲。墨西哥射手卡路士韋拿「士哥」停不了，聯賽連盃賽已斬獲21粒，喺呢位當弗射手帶領下，ＦＣ洛杉磯近6仗有5次贏對手2球或以上，今場再大捷唔難。
雙城戰各有顧慮吼細盤
較早開波嘅奧蘭多城主場對紐約城，奧蘭多城近期主場「謝謝地」，近3仗主場出擊，法定時間入得1球，唔多信得過，加上早排作客完費城聯後遇交通問題，被迫滯留當地，影響埋今場備戰。紐約城下輪聯賽同紐約紅牛上演打吡戰，今場未必去盡，雙方各有顧慮下入波唔慌多。
（周四早上7時30分開賽）
