日乙周日有兩場直播賽事，頭場先有水戶蜀葵主場鬥ＦＣ琉球。琉球今季作客例腳軟，聯賽連盃賽已經連續10場未贏過，兼且場場有失波；相反水戶主場水準有保證，近4場主場攞到3勝1和成績，依家佢哋排聯賽榜第5位，只比榜首京都不死鳥少4分，仍有機會爭升班，不過考慮到水戶近7場聯賽都有失波，今場捧2.5球大穩陣過主勝。
（有線603及604台周日下午5時直播）
山神啞火捧綠雉
另一場直播則由聯賽榜3哥山形山神作客鬥岡山綠雉。未踢今輪比賽前，山神與京都不死鳥及柏雷素爾失分相同，為爭升班1分都不能少，不過山神近況欠佳，聯賽3場不勝兼食白果，進攻啞火。綠雉現時雖排聯賽榜第9位，但只比今場對手山神少6分，爭升班未絕望，主場出擊唔會放軟手腳。綠雉近9場聯賽只係輸過1場，如果單計主場聯賽更已累積10場不敗，當中近4場贏咗3場，主場出擊值得支持，平手盤當然捧岡山綠雉。
（有線602及662台周日晚6時直播）
