波琴比勒唔似踢守勢波

新球季當然多話題，五大聯賽邊隊有冠軍相，邊隊會係奇兵，邊一隊可以成為季初銀行隊，相信好多球迷都好想知，J臣同樂比會先喺星期六凌晨，同大家一齊睇波琴大戰比勒費爾德，兩隊今季首戰都未贏到，估計唔會太保守，各位記得到東網體育FB留言，到時定必盡力解答大家新球季問題；到周日晚有海登咸對史特加，史特加畢竟保留到一定德甲班底，絕對係升班熱門，不過海登咸甚有隊形，上季同升班附加賽擦身而過，今季目光會放更遠。