今晚德乙焦點大戰，特雷斯登主場硬撼紐倫堡。紐倫堡今季矢志重返德甲，但球隊陣容變動太大，仍需時間適應，況且其季初一向慢熱，現階段不宜高估，加上近年對賽往績未佔上風，特雷斯登主場受讓信得過，讓球主勝有計。
（周六晚7時開賽）
紐倫堡例牌慢熱
紐倫堡上季於德甲包尾過終點，落得降班收場，今季希望力爭升班，接連簽入梅度羅斯、舒利烏辛拿、阿斯格蘇連遜、羅賓赫克等，但陣容大幅變動，難於短時間建立默契，季初未必可立即上力。單計近6場球會賽，紐倫堡只得2勝1和3負，包括輸畀奧地利球隊維也納迅速，狀態麻麻。而且紐軍不嬲慢熱，連同德甲及德乙在內，近4季聯賽首輪只得1勝1和2負，需要時間先可撻着。
特雷斯登上季喺德乙只排中游，今季變動唔大，主力前鋒盧卡斯羅沙留隊，實力尚算保持到，連同德乙及德丙在內，特軍於近5季聯賽首輪，取得4勝1和未輸過，可見佢哋入局甚快。加上雙方近4次聯賽交手，特軍取得1勝2和1負，表現不落下風，今戰地頭出擊仲有得受讓，讓球主勝有買趁早。
