今日过关心水推介以国际赛做主打，阿King睇中一场热身赛，匈牙利喺新主场迎战南美劲旅乌拉圭；匈牙利4日后会喺欧国外生死战作客斗威尔斯，今场热身试阵居多，相信唔会去尽；乌拉圭有苏亚雷斯、卡云尼及高甸等主力压阵，夫添出击信得过，客Ｗ可作为过关重心。
（周六凌晨2时开赛）
今场波安排喺布达佩斯嘅普斯卡斯球场拍跳，係该球场经过两年重建后首场正式比赛，呢个球场亦係明年欧国盃决赛周举行场地之一，匈牙利当然希望有机会喺呢度比赛，依家佢哋喺欧国外E组7战得12分排第小组第2，下周三凌晨小组煞科战会作客斗威尔斯，胜负关係到明年决赛周入场券，为免消耗过多体力或增添无谓伤兵，今场匈牙利难免有保留，而且佢哋近5场热身赛只得1和4负，对住世界排名比自己低嘅黑山同哈萨克都输波；相反乌拉圭近4场热身赛2胜2和未输过，心态上认真得多，一众主力苏亚雷斯、卡云尼、卢卡斯托拉拿及高甸今次都有归队，强阵出击较可靠。
美国主场复仇加拿大
另外两关，选咗中北美洲国家联赛，A级A组美国主场斗加拿大。美国上次作客加拿大输0比2，係美国近34年来、17次对赛首次输畀对手，乜面都冇晒，而美国想争入4强今场非胜不可，主场出击有力报番一箭之仇，拣让球主胜。
（周六早上8时开赛）
另一场A级B组赛事，墨西哥作客斗巴拿马，墨西哥分组赛2战全胜实力大超班，巴拿马主场对住同组最弱嘅百慕达都输波，今场凶多吉少，热捧客胜。
（周六早上10时开赛）
