欧联今晚第4轮赛事战火重现，E组赛事两支差唔多肯定出线嘅球队都主场出击对较弱嘅球队，利物浦对亨克、拿玻里对萨尔斯堡，我相信，两军希望可以提早取得出线资格，将会喺主场力数对手。不过，与其玩「让球主客和」或「让球」，让得太多有风险，我宁愿简简单单买条入球大过关2串1。何解？
利物浦希望尽量入多啲波，赢波可以尽快抛离亨克及萨尔斯堡，只要再下轮对亨克发挥正常赢波，即使去到最后一轮对拿玻里，胜负对出线冇影响，所以尽早入多啲波抛离亨克，免却后顾之忧，亦可以早啲畀主力休息，留力周末联赛大战曼城。
萨尔斯堡放手一博
至于拿玻里对住萨尔斯堡亦有相同理念，现时拿玻里领先红军1分排榜首，赢波自己全取3分之余，同时会令萨尔斯堡冇得再爆上嚟构成威胁，当然，萨尔斯堡亦唔会束手就擒，佢哋係小组入波最多球球队，会放手一博同拿玻里斗攻，所以2串1山大斩埋有柴架！
