虽然未到圣诞，但英超本周中已加开快车，戏码亦唔曳。最瞩目梗係3连胜嘅热刺作客曼联，呢场可以话恩怨情仇乜都齐，仲複杂过《书剑恩仇录》，皆因热刺新帅摩连奴倒戈战重返奥脱福，必定想赢波争番啖气，但「红魔」众将亦唔服佢，唔想畀「寸王」攞彩，斗心唔使怀疑。而且曼联今季遇强愈强，季初喺主场赢过车路士4比0，之后又和过利物浦1比1，终止死敌联赛连胜走势，绝对唔係冇得打。
李斯特城专攻联赛有优势
至于另一大战「1哥」利物浦主场斗爱华顿，呢类同市死敌硬碰都不能单睇近况，正所谓打吡战战意行先，而且爱华顿主帅马高施华正处于水深火热，誓必搏翻身。今晚唯一畀我最有信心嗰场，係李斯特城主场对屈福特。「狐狸」嘅泰国班主搞波、马都掂，连着名骑师苏兆辉亦加盟佢哋旗下嘅赛马团队，喺联赛6连胜后畀到利物浦最大压力，加上「李城」专攻联赛，对住包尾大幡屈福特，赢波毫无难度。
金句：英超恶斗难免今晚夜，稳胜唯一李斯特城！
