至于曼城主场斗爱华顿。「拖肥糖」自安察洛堤上任领队之后表现翻生，其中前锋卡维特利云频频有士哥抢晒镜，呢场对住攻强守弱嘅「蓝月亮」，两军有本钱上演入球大战，中位数3.5球入球大值博。
（Now 621周四凌晨1时30分直播）
「拖肥糖」上仗喺快车赛期第3站，以2比1击败纽卡素，为新帅安察洛堤取得执教以嚟2连胜，其中2场都有波入嘅前锋卡维特利云，上场梅开二度，近2场个人包办3个入球，喺「肥安」调教下成功开窍。查实「肥安」过往2次同哥迪奥拿交手都赢到波，呢位意大利名帅13/14年欧联4强带领皇家马德里，主客两回合分别以1比0及4比0双杀由哥帅执教嘅拜仁慕尼黑，可见佢对哥帅嘅踢法绝对唔陌生。
加比尔捷西斯拖肥剋星
曼城王牌前锋阿古路近期复出后，上场就为球队射入打破僵局嘅入波，不过阿古路近年面对爱华顿好少踢足全场，皆因阵中仲有「拖肥剋星」加比尔捷西斯。耶稣仔近4次交手都入到爱华顿波，成为曼城近4次对赛全胜嘅功臣，其中3次开4球或以上。曼城后防不稳已经係公开秘密，计埋盃赛，近15场只有1次保持不失，爱华顿战术大师安察洛堤点会放过呢个弱点，今场中位数3.5球入球大肯定係首选。
