經歷4場聯賽不勝嘅熱刺，周中快車主場鬥諾域治。熱刺前鋒哈利卡尼受傷確係影響鋒力，不過呢4場不勝有3場作客兼1場對利物浦，今場回師主場相信會反彈，遇正鍾意係唔係都攻一餐嘅諾域治，今場實係入球騷，捧中位數3/3.5球大。
（Now 623周四凌晨3時30分直播）
熱刺上場0比0作客悶和屈福特，近4場聯賽僅獲2和2負，其中近3場更食白果，前鋒哈利卡尼受傷缺陣，無疑令熱刺對攻有影響，不過熱刺上述4場聯賽有3場作客，其餘1場主場對手為榜首勁旅利物浦，表現欠佳實屬非戰之罪。
事實上，自從摩連奴領軍後，熱刺於主場除不敵車路士、利物浦兩支Big 6球隊外，其餘5場全勝兼入16球，佢哋主場出擊求反彈，今場相信會以攻代守，但球隊面對般尼茅夫、白禮頓等下游隊伍皆有失球，防線唔算穩健。
諾域治對Big６唔會縮
諾域治上場憑射手迪姆普基射入12碼，主場以1比0擊退般尼茅夫，近10場聯賽首次贏波，同時亦追至以6分落後尾4嘅屈福特，護級出現曙光。諾域治踢法大無畏，面對Big６球隊亦絕不退縮，今季聯賽7次對Big 6共入11球，只有1場冇士哥，7次總入球全開4球或以上，遇上力爭翻身嘅熱刺肯定鬥攻，3/3.5球入球大乃不二之選。
