今晚英超尾场，曼联主场迎战狼队。曼联新兵波基斯费南迪斯今仗有机会首度披甲，但未必即刻入局，而且「福仔」拉舒福特又因伤长抖，唔通真係靠连格数胡咩？狼队作客Big 6唔敢冒进，宁捧2.5球嘅入球细。（Now 621周日凌晨1时30分直播）
经过漫长拉锯后，曼联日前终于正式签入葡萄牙中场波基斯费南迪斯，但有入必有出，后衞马高斯卢祖就被借去学生队，由于防中尼曼查马迪喺周中英联盃做咗「红牌阿姑」，今仗要坐波监，预计「波费」有机会处子登场，不过佢櫈都未坐暖，同队友夹都未夹过，好难即刻有货交。
红魔今季非常倚重拉舒福特数胡，可惜佢因伤有排抖，呢位英格兰小将今季联赛已入14粒，佔咗球队联赛总入球近4成，之后嘅安东尼马迪尔只入8球，佢同连格、丹尼尔占士又表现飘忽，因此曼联近8场联赛6次开2球或以下，依家连「福仔」都缺阵，锋力弱上加弱。加上曼联周中喺英联盃以1比0击败曼城，但两回合计输2比3仍要出局，真係力疲心伤。
狼队作客Big 6少入波
狼队同样状态麻麻，近7仗赢得1场咁大把，而且今季4次作客Big 6球队，全开2球或以下，包括早前足总盃作客曼联输0比1，今场再度造访奥脱福球场，相信唔敢轻举妄动，2.5球嘅细盘更值得捧场。
