淘汰赛特醒做东未衰过
欧联终于重燃战火，今晚16强首回合爆发「西英」大战，马德里体育会主场硬撼上届盟主利物浦。虽然红军喺英超顺风顺水，但马体会主场出击一向硬净，近6场欧联有5场保持清白之身，而且主场打淘汰赛特醒，受让必捧让球主胜。(myTV Gold 303、Now 643、有线656及616台周三凌晨4时直播)
红军今季在英超放到甩辘，联赛冠军可谓坐定粒六，不过佢哋日前联赛险胜诺域治1比0之役，赢得几辛苦，好似唔多入局。呢支衞冕之师，今次重返上届决赛封王之地万达大都会球场比赛，不过客场战绩唔及主场，近10场欧联作客，只得5胜5负，包括上届4强首回合作客另一支西甲球队巴塞隆拿先输0比3，好彩返主场赢4粒至勇闯决赛，可见客场不宜高估。
施蒙尼铁血防线坚硬净
马体会近况确係差，主因係攻力唔掂，箭头迪亚高哥斯达因伤长抖，虽然今仗有消息指会上阵，艾华路莫拉达又频频失机，而被寄予厚望嘅「新C朗」祖奥菲历斯亦唔适应球队体系，近期更不断受伤，今场未必出得。好彩主帅施蒙尼最叻係打造铁血防线，尤其係主场，近6场欧联主场录5胜1和仅失2粒，其中有5场保持不失，何况这支「床单兵团」主场打淘汰赛零舍醒神，过去12次在主场出战欧联淘汰赛，录得8胜4和未输过，硬净到晕，仲有得受让咁笋，让球主胜咪错过。
