马体会红军往绩全细盘

马德会同红军对上一次正式赛事交手，已经係10年前嘅欧霸，原来双方史上只係对赛过4次，分别係2010年欧霸4强两回合以及2008年欧联分组赛两个循环，无独有偶，4场法定时间入波都唔超过2球。10年前欧霸4强双方各喺主场以1比0赢波，喺红军主场嘅次回合要踢加时，加时亦係各入1球，结果马体会凭加时嘅作客入球优惠淘汰利物浦入决赛，喺决赛仲击败富咸成为当届冠军添。