今晚4支球队上星期喺各自本土联赛，包括英超、德甲、意甲及西甲都提早一日或周六早场比赛，有最长时间休息，明刀明枪话畀大家知，各队都準备就绪，为咗佢哋嘅16强首回合赛事，铺好将来嘅出线机会。
本土赛会识做够时间休息
4支球队都得到本土赛会配合，可以有足够时间休息，有充足时间备战16强，球队如被淘汰，之后唔可以「赖三赖四」，赛会亦唔会因而被口实。喺各队备战充足嘅情况之下，笔者当然会拣有实力及赔率有好分头嘅球队，咁嘅情形下，当然係拜仁慕尼黑好过车路士，巴塞隆拿亦好过拿玻里。
车路士领队林柏特喺执教方面仍然未算顶级，现时成绩合格，唔算好超卓或者具震撼感；至于拜仁方面，由于笔者每周都有评述德甲赛事，了解到虽然今季夺取联赛冠军难度高咗啲，但睇嚟拜仁寻求冧庄机会仍然好有把握。至于今晚作客车路士，预计呢支班霸嘅部署，係最起码可以保持不败，即使首回合和波，次回合返回自己主场赢波就足够晋级。
另一场巴塞实力肯定高过拿玻里，佢哋拥有美斯同基沙文等好球员，而且喺南美烂仔球员维达尔加盟后，踢法更加硬净；拿玻里刚于意甲击败布雷西亚，近况回勇，巴塞更不敢掉以轻心，打醒12分精神应付强敌。投注策略方面，2场欧联和波2串1係唔错选择。
金句：欧联今晚作客球队保不输机会高唱入云
