粒粒皆星以攻代守
欧联16强首回合周四凌晨上演最强戏码，皇家马德里主场迎战「蓝月亮」曼城。双方都拥有高质射手，不过后防同样有欠稳健，尤其曼城攻强守弱特点于欧联淘汰赛更为明显，近3届合共出战10场淘汰赛，有9场总入球超过2球，相信今场于巴拿贝球场会再度上演入球骚，2.5球入球大必捧。
（myTV Gold 303、Now 643、有线656及616台周四凌晨4时直播）
皇马曾13次捧起大耳朵盃，最近一次登顶係2017/18年球季，当时决赛由施丹领军以3比1击败利物浦夺标，但皇马上届却喺16强被阿积士淘汰出局，今届矢志捲土重来。曼城则从未染指欧联锦标，领队哥迪奥拿亦想为球会作出突破。
今季加盟皇马嘅中场夏萨特变咗玻璃脚，上场西甲又受伤，不过佢今季抖多过踢，「银河舰队」其实冇佢在阵影响都唔算大，因为阵中仍有不少攻击好手，当中前锋宾施马喺欧联演出特醒，尤其主场出击，最近2场欧联主场都梅开二度，另一前锋加里夫巴利亦要证明自己身价，唔好唔记得「带刀侍衞」沙治奥拉莫斯，皇马嘅锋力仍然有保证。至于曼城亦拥有阿古路、史达宁同奇云迪布尼等多个进攻炮台，双方入球能力不容怀疑。
蓝月亮淘汰赛旺大
不过，2支豪门今季为人诟病嘅係防守问题，经常会失一啲大意波，曼城作客时情况更严重，近6仗只有2场保持不失，曼城一向以攻代守，呢种踢法喺欧联淘汰赛继续保持，近3届6场16强、4场8强战共10场赛事，有9场总入球开3球或以上，今场遇上皇马都係斗攻局面，2.5球大随时半场就收钱。
