周五德甲独脚戏上演护级战，尾3杜塞尔多夫主场迎战包尾嘅柏达邦，双方实力唔强但斗志好到加零一，相比之下杜塞尔多夫自由前曼联名宿罗斯拿执教后，球队精神面貌大有进步，但若要成功护级，主场对榜尾呢啲波就必须取胜，球队整体实力同状态确胜一筹，黑柴撑主胜。（Now 670、FOX+、有线651及611台周六凌晨3时30分直播）
杜塞尔多夫歇冬后头两场联赛输晒，排名一度跌到包尾，高层立即炒咗功勋老帅芬基，搵嚟罗斯拿接手，球队表现同积极性都大有进步，上任至今8战2胜5和仅输1仗，不过因为胜率唔高，虽然由包尾升番上尾3，仍落后尾4缅恩斯4分，今晚主场呢3分志在必得，佢哋上轮作客缅恩斯抢攻形势甚至喺主队之上，今仗主场遇弱係赢波黄金机会。
柏达邦少大败博埋让球和
柏达邦实力摆明係德甲最弱，虽然乜波都肯搏，但有时又搏得太过无谓，好似上月底作客安联球场对班霸拜仁，全场抢逼抢攻付出120分，可惜对手太强最终都仅负2比3，最惨係首席射手麦巴该役重创要长抖，令球队火力大减，近两轮面对中下游对手缅恩斯同科隆就因为冇入波板斧而全败。目前佢哋距离尾3嘅杜塞尔多夫有成6分差距，今仗和都帮唔到几多，焗住继续攻，更有利杜塞尔多夫踢反击。不过杜塞本身实力唔强，柏达邦场场落后咗都砌到尾绝少大败，今场推介1.77倍主胜之余，求好分头可以博埋3.7倍嘅让球和。
