荷蘭波眾所周知一向上盤至上，皆因無論有無咁嘅本錢都一於秉承進攻就係最好嘅防守呢個教條。而喺禮拜日晚上就有一場大波格嘅賽事推薦畀大家，荷甲一哥PSV燕豪芬屆時將去到施禾尼嘅地頭作一番討教。鑒於PSV燕豪芬開季至今狀態好到冇朋友，而且進攻火力更加傲視群雄，一場入波盛宴即將拉開帷幕。
其實主隊施禾尼近期表現絕不失禮，球隊過去7輪聯賽保持不敗，聯賽排名亦已經再度攀升至三甲之列，距離榜首兼今仗對手PSV燕豪芬亦只有8分差距，追分欲望實屬司馬昭之心。但正所謂一山還有一山高，一哥PSV燕豪芬喺頭11輪聯賽居然贏足10場，而且過去7輪聯賽則直頭處於遇神殺神遇佛殺佛嘅忘我境界(7仗攻入27波)。其中由盧卡迪亞、雲真高和羅辛奴組成嘅進攻鐵三角更加堪稱PSV燕豪芬喺前線嘅最大殺器，皆因佢哋三人聯賽至今不僅聯手攻入25波，而且喺神射手榜上亦可以喺前五名當中發現到佢哋嘅身影，試問施禾尼今鋪又點去阻擋PSV燕豪芬如潮水一般嘅攻勢。
睇返盤路方面，鑒於雙方過去6次交手都以大手筆交收收場，今鋪再度支持上盤可謂理所當然。與此同時，如果話想串返條過關飛，相信贏面極大嘅PSV燕豪芬會係鐵膽嘅好選擇。
