2018年世界盃臨近，歐洲各大聯賽亦紛紛戰至尾聲，冠軍誰屬亦陸續揭開神秘面紗。而喺法甲賽場上，雖然一枝獨秀嘅巴黎聖日門已經提前數輪稱王，但歐戰資格爭奪卻已經進入到白熱化階段。其中正力爭聯賽二哥位置嘅里昂喺禮拜六深夜將需要繼續為3分而戰，如今每一分都價值千金，區區無欲無求嘅南特顯然無力成為里昂嘅攔路虎。
睇返目前法甲積分榜，手握69分嘅里昂喺34輪過後暫列第三，落後身前嘅摩納哥只有1分差距，想要爭奪歐冠資格，喺唔寄望對手犯錯嘅情況下，前者餘下4輪聯賽可謂非勝不可。與此同時，里昂尚需留意身後嘅追兵，皆因同積69分嘅馬賽目前僅以微弱劣勢屈居第四，所以講，里昂如今甚至連打和亦係失敗。幸好呢支法甲曾經嘅霸主喺季尾表現相當爭氣，過去6輪聯賽攞足18分嘅強勢足以證明佢哋嘅態度。相反今仗對手南特喺早早上岸嘅情況下就開始大打風流波，連續5輪聯賽不勝嘅慘況亦表明球隊如今只係純粹應付例行公事，加上入球之匙E.沙拉今仗更加要被罰坐波監，故今鋪勝負懸念確實唔大。
至於盤路方面，勢頭強勁嘅里昂伴隨住盤路亦都全線飄紅，目前主讓球半/兩球嘅亞洲讓球盤絕對有力食得起。同時喺連續5輪聯賽有波入嘅攻擊手迪比領軍下，火力全開嘅里昂過去5輪聯賽共入18波，上盤確實值得留意。
