前锋挞着打落水狗
西甲激战连场，等我阿King醒番啲贴士畀大家，等大家过番个盆满钵满嘅周末。华伦西亚近期表现回勇，尤其前场多位攻击手都状态不俗，作客近5仗联赛未赢过嘅拉斯彭马斯，直取客胜。另外再捧爱斯宾奴细同马德里体育会大，3串1有5.3倍咁好分，唔好错过。
作客挑战拉斯彭马斯嘅华伦西亚，今季多位进攻球员都表现出色，好似前锋洛迪高摩连奴同干卡路古亚迪斯，近两仗都齐齐有波入，另外1月转会窗加盟嘅阿根廷前锋韦图表现亦都对办，首次上阵就喺西盃上演帽子戏法帮球队赢4比0，嗰场对手仲岩岩好系拉斯彭马斯，呢场有望照办煮碗。反观拉斯彭马斯换帅后表现未见起色，近5仗联赛只得1和4负惨淡战绩，呢场根本冇力抢分，捧客胜好过。
串爱斯宾奴细马体会大
至于主场迎战西维尔嘅爱斯宾奴，近7仗联赛坐镇主场都开2球或以下，有力顶住西维尔攻势，中位数2.5球入球细值博。最后，马德里体育会有前锋迪亚高哥斯达坐完波监复出，面对上仗大胜对手6球嘅基罗纳，有力对攻，中位数2.5球入球大捧得过。
