1球在手次回合拉布
英格兰联赛盃4强次回合今晚再演「双城记」，英冠前列分子布里斯托城主场迎战英超「1哥」曼城。首回合曼城靠阿古路补时绝杀，几经艰苦先至反胜2比1，证明曾淘汰曼联等4支英超兵嘅布里斯托城唔易砌，「蓝月亮」半力出击或以保住胜局为目标，3.5球入球细值博。
布里斯托城遇强愈强
布里斯托城今届英联盃表现勇猛，连挫屈福特、史笃城、水晶宫同曼联4支英超球队，对上嗰3圈更加只失2球，即使4强首回合作客曼城亦能踢成均势，今仗主场出击，曼城要入佢的波都唔容易呀！
虽然曼城岩岩喺英超反弹，主场以3比1击败纽卡素，而王牌阿古路仲表演埋「帽子戏法」，但唔好忘记，曼城今季要应付多条战线，故此领队哥迪奥拿习惯喺英联盃半力出击，连阿古路首回合亦只系后备入替，预计今仗亦唔会担正，加上「蓝月亮」今届4仗英联盃只入5球，4仗总入球都系3球或以下，而且曼城只要保住胜局就入决赛，作客随时玩拉布，中位数3.5球嘅细盘乃不二之选。
