澳职呢个礼拜戏码几吸引，前列球队将会正面对撼，打头阵系今日墨尔本城主场迎战纽卡素喷射机；现时积分榜，两队只系相差4分，排第3嘅墨城梗想藉住今日主场优势全取3分，进一步追贴第二位喷射机，同埋保持后上取代对方常规赛亚军嘅希望啦！由于喷射机近期状态较飘忽，今日呢场大战墨尔本城让平半，我一定博上盘。
墨尔本城总算走出之前低谷，近4场攞到3胜1和佳绩，上场仲喺主场大炒阿德莱德联5球，证明火力同信心完全返晒嚟！佢的向来都系地头虫，今季9次主场有5胜1和3负，主场成绩排澳职第3，都算系几好喇！今日仲有右翼布鲁士卡马奥、新加盟嘅高大后防迪尔布历治复出，更系如虎添翼，攻守人脚较为完整；睇番墨城近2次主场对喷射机，都系由佢的赢出，今日始终会秤先啲，有信心呢3分攞硬！
喷射机作客场场失波
至于作客嘅纽卡素喷射机，上仗主场竟然输畀弱旅威灵顿凤凰，真系令人费解！佢的作客比赛嘅防守数据真系吓死人，今季7场作客「每场必失」，一共失左10球！穿窿防守面对住人的主队嘅强劲攻力，睇嚟都系凶多吉少。今日赛前仲传出后防主力艾云胡积卡可能要带伤上阵，条防线就更加雪上加霜。喷射机今季作客始终有啲患得患失，若果弊病唔能够彻底解决，现时啲早飞又唔多支持，都系危危的勒！
