每逢鍊车特别醒神
今晚英格兰联赛盃4强次回合嘅「伦敦打吡」，轮到阿仙奴喺主场迎战车路士。「兵工厂」首回合作客守和车仔0比0，表现唔失礼，事实上今季表现飘忽嘅阿仙奴，每逢对住车仔都格外醒神，今季4度交手都能保持不败，今场阿仙奴有主场之利战意满分绝对唔讲得笑，平手盘仲要有2.03倍高水，必撑主队无疑！
阿仙奴上季痛失前4嘅欧联入场券，今季喺英超表现亦时好时坏，同前4球队仲有段距离，大有可能再次无缘下届欧联，早前喺足总盃畀英冠兵诺定咸森林淘汰，令老帅云格面对前所未有嘅压力。不过有危就有机，阿仙奴不断传来负面消息、加上王牌阿历斯山齐士离队转投曼联，上仗联赛反而以4比1清脆赢到水晶宫，好似要话畀大家知佢的仲未放弃，士气同状态未必如想像中咁曳。
今季4交手 兵工厂不败
事实上计埋联赛同盃赛，阿仙奴今季同车路士已交手4次，法定时间都系和波收场，包括英联盃4强首回合作客零封对手，嗰场所见众「枪手」毫不锡身，喺前场就开始紧迫对手，搞到车仔难以製造威胁，今晚返主场有埋球迷助阵，肯定更搏命。
莫拉达频食白果失信心
车路士近期出现低潮，早前各项赛事5连和赢唔到，系上轮联赛大炒白礼顿似番啲样，不过射手艾华路莫拉达呢6场全部食白果，连番失机明显陷信心危机，加上灵魂人物夏萨特迟迟唔肯同球会续约，点都会影响军心，今仗睇怕难以攻陷阿仙奴嘅铜牆铁壁，平手盘梗系向主队埋手。
