卡云尼争入波创历史
法甲「一哥」巴黎圣日耳门上轮联赛输畀里昂，虽然喺榜首仍然有8分优势，不过为免夜长梦多，今晚主场迎战蒙彼利埃肯定想赢番漂亮一仗，尤其射手卡云尼仲差1球就可以创球会史上入波最多纪录，梗系想趁早实现，主场出击火力全开，大细中位数3.5球嘅大盘话咁易就开出啦！
巴黎圣日耳门依家虽然有两位天价球星尼马同基利安麦巴比受伤，但系大家都冇乜理由怀疑呢支班霸嘅阵容实力，由迪马利亚、达斯拿、柏斯托尼等球星辅助卡云尼进攻，点计都系世界级组合。唔好忘记，乌拉圭射手卡云尼只要再入多1球，就可以157球成为球会史上入波最多球员，今仗趁尼马缺阵冇人争食，当然要全力数胡啦！
蒙彼利埃防线穿窿
巴黎圣日耳门岩岩喺足总盃4比2大破甘冈，睇番佢的近8仗主场赛事，有7仗总入球达到4球或以上，摆明主场出击唔会留力。作客嘅蒙彼利埃近7场比赛不败状态虽然唔错，不过佢的入波多之馀失球都唔少，周中足总盃就以4比3险胜罗连安特，今仗造访巴黎对住火力十足嘅圣日耳门，睇怕又系大手交易。
