阿甲歇暑期完后重开，阿King收到好料介绍畀大家。小保加刚获旧将泰维斯回归，呢位「野兽」重返母会自然望冧尽家乡粉丝，听朝坐镇糖果盒球场面对中游分子高隆，小保加有望取得新年开门红，主胜冇走鸡。
泰维斯效力中超FC上海（上海申花）时表现畀球迷诟病，不过阿King好相信佢重返母会小保加会系另一回事，落场态度同「搵银」定必截然不同，尤其主力前锋宾尼迪图长抖，泰维斯孭起前线攻坚重任实搏杀，加上球队近9次主场面对高隆，获8胜1和嘅绝对优势，主胜属重心之选。
串沙士菲纽维尔旧生双赢
其馀两场同时间开波嘅阿甲，纽维尔旧生主场对包尾嘅沙兰迪兵工厂。纽维尔旧生暂时未入局，不过面对包尾嘅兵工厂要赢唔难；最后沙士菲作客挑战防卫者，沙士菲有前曼联后卫轩斯接掌教鞭，搵嚟强援莫路沙拉迪实力大增，联赛下半程有望脱离降班区，简单要客胜。
