英乙纽波特郡主场越级挑战英超劲旅热刺，论牌面热刺虽然比对手高三班，不过热刺嚟紧即将进入魔鬼赛程，为免球员搏残未必会去尽，作客让2/2.5球太多，捧中位数3.5球嘅细盘仲划算。
热刺上一圈主场3比0大胜英甲球队AFC温布顿，正选阵容包括射手哈利卡尼、中场迪比利、云耶马及守将维顿等等，其馀主力孙兴民、迪利阿里亦有后备落场，应付英足盃绝对唔系玩玩吓，不过热刺嚟紧硬仗连场，下周中英超快车先喺主场硬撼曼联，之后会斗阿仙奴及利物浦，跟手再有欧联16强首回合斗祖云达斯，就算今场继续出强阵，相信落场球员都唔敢搏得太尽。睇番热刺对上10仗作客比赛，只有1次淨胜对手3球或以上，让球盘热刺让2/2.5球唔太值博。
纽波特郡近5战4胜够硬淨
纽波特郡上两圈分别淘汰比自己高班嘅英甲华素尔同英冠列斯联，而且佢的踏入2018年后5场比赛4胜1和，状态、士气Keep得唔错，主场出击未必冇得打，大细中位数去到成3.5球，波童建议捧细盘。
