红军让得辣有暗涌
今个周末英超暂停，改为上演英格兰足总盃第4圈，玩呢项盃赛，乐比最重视就系球队嘅心态，其次都系心态同埋心态，毕竟今时今日唔少球队视足总盃为鸡肋，利物浦自高普接手后，近两届英足盃都系呢圈出局，今晚主场对西布朗，利物浦让球半、两球绝对有暗涌，乐比撑下盘。
利物浦过往曾7夺足总盃，可惜近年无甚佳作，对上一次捧盃已经系12年前，其实红军近两届已经好有籤运，但对牌面低嘅对手，依然吃尽苦头，例如上届就曾被英甲普利茅夫逼和搞到要重赛，晋级后再被英冠球队狼队淘汰，毕竟高普嚟左英格兰冇耐，对呢项历史悠久嘅盃赛冇任何感情包袱，一定系以联赛及欧联行先。
虽然利物浦上圈以2比1淘汰爱华顿，排出人脚系唔错，但嗰场话晒系打吡战，肯定唔想输先。不过嚟到依家情况又有啲唔同，因为目前联赛形势相当紧凑，排第4嘅利物浦要争下届欧联席位必须加把劲，尤其系下周中英超将会开快车，之后利物浦又要对前四竞争对手热刺，加埋欧联仲有两个几星期就杀到埋身，预期高普今仗排阵或会留有一手。
近5交手利物浦全部输盘
红军上仗英超以0比1爆冷不敌包尾嘅史云斯，战果令人相当意外，正所谓牵一髮动全身，菲腊比古天奴离队或多或少都有影响。睇番高普嚟到利物浦之后，对亲西布朗都诸事不顺，5次交手仅得2胜3和，如果计盘路系全部输晒，以两队实力同排名计确实奇怪。
西布朗足总盃例出强阵
至于西布朗目前排尾2，护级形势确实系险峻，不过佢的同排第10嘅屈福特其实都系相差6分，情况又唔算好绝望，最重要系领队柏杜系一个传统英式领队，首先唔锺意大幅度轮换，其次佢亦希望球队可赢波重建信心，好似上圈淘汰埃克塞特，西布朗亦强阵出击，佢的近3仗2胜1和状态回勇，柏杜绝对唔想打断呢个势头，以呢班波烂打嘅风格，今场相信会令红军陷于苦战。
