决赛撼乌兹别克唔会缩
U23亚洲盃嚟到尾声，周六下午决赛戏码将会有越南U23硬撼乌兹别克U23。赛前不被睇好嘅越南U23堪称系今届赛事嘅奇兵，表现强劲，而且佢的面对强敌绝对唔会死守，尤其嚟到一战定生死嘅决赛，球员肯定会放手一搏，加上对手乌兹别克U23攻力亦有番咁上下，呢场势上演对攻战，中位数2.5球入球大有得谂。
越南U23今届球员个人实力以至于球队整体战术都令人眼前一亮，今届多次炮製爆冷战果，包括1比0击败传统强队澳洲，过去两仗面对强敌伊拉克同卡塔尔，都同对手形成对攻局面，一改过往球迷对东亚球队实力欠奉嘅固有印象，尤其一对前场进攻组合状态神勇，除左有「越南美斯」之称嘅阮公凤之外，多次为球队取得关键入球，至今斩获4球嘅阮光海表现更加抢镜，呢场入波冇难度。
况且越南总理阮春福寻日宣布，成队U23球员连教练、后勤人员31人，将获颁集体一级劳动奖章，门将裴进勇、射手阮光海以及韩籍教头朴恒绪更单独获得三级劳动奖章，全队士气高昂。
乌兹别克火力强横
乌兹别克球员个人能力不嬲犀利，呢届U23曾以4比0击败卫冕嘅日本U23，进攻意欲强劲，呢场入球睇嚟都唔会少，中位数2.5球入球大捧得过。
