曼城防线欠稳
今晚英超尾场有联赛「1哥」曼城主场斗西布朗。曼城近期防线欠稳；西布朗刚于足总盃淘汰利物浦，士气大振，为抢分护级唔会「泊大巴」，中位数3.5球嘅大盘有2倍够和味。
哥帅6.3亿签入中坚拿朴迪
「蓝月亮」今季狂轰70球属英超入波王，近7仗就每场至少攻入两球。但要留意佢的防线板櫈深度不足，队长高柏尼伤愈冇耐，之前阵中得奥达文迪、文加拉同史东斯3名中坚，当中史东斯近期就频频犯错导致失球，曼城近7仗失左10球，认真唔稳阵。有见及此，哥帅对症下药喺毕尔包签入法国中坚拿朴迪，据报转会费为破球会纪录嘅5,700万镑（约6.3亿港元），不过佢今日梗系赶唔切上阵，曼城后防演出难望有改善。
西布朗近期渐有起色，联赛连盃赛近4仗3胜1和，包括上场足总盃作客攻力强劲嘅利物浦都赢3比2，前锋积洛迪古斯近4仗入4球状态极勇，况且西布朗中坚庄尼伊云斯受伤，唔会咁蠢泊大巴求守到完场，两军合演入球骚机会极大。
