周六晚英超好波连场，其中曼联将会主场火併哈特斯菲尔德。新升班嘅哈特斯菲尔德状态下滑，不过球队联赛首循环同「红魔」碰头竟然爆冷赢2比1，可见佢的降魔颇有心得，加上近7仗面对Big6球队全开3球或以上，呢场就算面对强阵出击嘅曼联，都有望破蛋，呢场入波肯定唔少，中位数2.5球入球大有得谂。
作为首次升上英超嘅球队，哈特斯菲尔德喺联赛中嘅实力绝对唔算出色，今季7斗Big6球队输左6仗，仲成为英超强手嘅出气袋经常大败，包括上仗联赛0比3遭利物浦击溃。不过球队喺领队大卫华拿调教下，联赛都威过几次，其中肯定唔少得季初以2比1为曼联送上联赛首败，嗰场有波入嘅10号仔阿伦穆尔亦因此一战成名，呢场有佢坐镇，哈特斯菲尔德攻力总算有保障。
曼联上仗遭热刺击败痛失3分，加上为报首循环输波嘅一战之仇，返到主场肯定搏尽争胜，尤其呢场好大机会系新兵阿历斯山齐士喺奥脱福主场球迷面前嘅首骚，为博「魔迷」欢心智利前锋肯定落多几成力争取入球，加上呢位新兵今季为旧东家阿仙奴上阵对哈特斯菲尔德就入过波，曼联有佢唔惊冇波入，中位数2.5球入球大唔好错过。
