《我爱酒地波》每集都有新搞作，今个礼拜当然冇例外，女神Renee将会单挑3大猛男，除左同大家见惯见熟嘅走地波专家Jason，今次仲请嚟香港德国足球之友会长「德国通」，同埋球星台《知足前瞻》嘅Gary，实行陪大家睇德甲直播缅恩斯主场对拜仁慕尼黑，兼畀贴士。到底索女Renee同3大猛男会擦出羊火花，今个星期六晚10点记得上东网喇！
主场素来喜欢抢攻嘅缅恩斯，自去年底战绩下滑，目前已沦为联赛榜尾四后，近期踢法明显有变，遇上强队全力主守，去年底主场对多蒙特，同上轮作客利华古逊，上半场都屯重兵喺后防，结果都可以顶到半场不失，尤其上仗对利华古逊，上半场完全放弃进攻，凭严密防守令利华古逊整个上半场冇一次「中龙」射门，虽然最后佢的仍然要输0比2，但教练辛祖舒华斯对球队嘅表现相当满意，认为若非利华古逊红人里安拜尼下半场一开波就射入世界波，缅恩斯最终抢到分都唔出奇，今晚佢的主场面对实力更强嘅班霸拜仁慕尼黑，相信唔会放弃主守策略。
拜仁征缅恩斯吼半场细
拜仁喺联赛经已7连胜，联赛榜已抛离次席利华古逊16分，德甲6连霸几成囊中物，不过老帅轩历基斯向来要求都好高，有见拜仁近两场联赛对云达不来梅同贺芬咸都先失波，搞到最终反胜都耗力甚多，近期佢积极同球员检讨，希望可以改善初段精神唔集中问题，佢更指今日起拜仁8日内要踢3场硬仗，今场作客缅恩斯之后，下周中德国盃又要作客对柏达邦，然后联赛主场斗岩岩批评完佢的转会策略嘅史浩克04，为保元气，拜仁今仗会踢得更加稳阵，权威《踢球者》网站仲预期佢的会畀王牌箭头罗拔利云度夫斯基轮休，球队锋力削弱，好消息系两位后防大将晓姆斯同查维马天尼斯都伤愈复出，令防线回复最强阵容，今场作客缅恩斯早段预期会系拉锯战，黑柴推介中位数1.5球嘅半场细盘。
