今晚英超早场水晶宫主场迎战纽卡素。水晶宫自领队鹤臣接手后重回正轨,近10仗主场5胜4和1负,上仗联赛宾迪基亦打破入球荒;纽卡素1月转会窗虽然签得施利文尼同罗拔坚尼地,但整体实力依然麻麻,水晶宫小让平半,要1.74倍上盘。
1月转会窗各英超球会买卖频密,但水晶宫就冇乜大动作,最瞩目只系买入22岁嘅挪威前锋阿历山大索洛夫,睇嚟鹤臣对球队原有班底充满信心,事实上水晶宫现时能脱离降班区,鹤臣可谓居功至伟,近5仗联赛只输1场,曾逼和过「1哥」曼城,今晚有双箭韦费特沙夏及宾迪基坐镇,再添3分唔系难事。
纽卡素班底有限,加上球会转手问题未解决,影响埋表现,虽然宾尼迪斯几经辛苦终于签入罗拔坚尼地同施利文尼两位新兵,但后者有伤在身今晚未必落场,睇嚟冇咁快可以摆脱近4仗不胜嘅颓风,撑主队稳阵。