英格兰足总盃第4圈重赛，热刺将会返到温布莱球场再斗乙组仔纽波特郡。热刺应付英足盃重赛不嬲驾轻就熟，对上6次全部赢波过关，当中5次开4球或以上，最紧要系热刺一班主力弗到爆，好似唔洗抖咁，同时兼顾多条战线都冇问题，尤其哈利卡尼今届英足盃已入3球，今仗有望再数胡，中位数3.5球入球大博得过。
上次作客纽波特郡，热刺主帅普捷天奴未有因要留力对曼联而收起主力，哈利卡尼同迪比利等主力全数正选上阵，可见呢位阿根廷教头对班波嘅体能状态绝对有信心，就算未来2仗要硬撼阿仙奴及祖云达斯都冇有怕，为争晋级呢场相信不会尽用副选。况且热刺后备席上嘅云耶马同拉美拿等球员质素都有番咁上下，尤其前者上仗对利物浦就轰入靓绝世界波，技惊四座状态返晒嚟，热刺整体战力无庸置疑。
主场炒得起纽波特郡
而且热刺上次作客纽波特郡凭靠哈利卡尼入波逼和对手1比1，呢仗返到主场出击，晋级机会极大，皆因热刺对上6次喺英足盃重赛未失过手，当中5次开4球或以上，加上热刺联赛连盃赛，近8仗主场获7胜1和，仲狂入25球，包括上仗主场以2比0击败曼联，信心同状态皆有保证，纽波特郡呢场注定做炮灰，今仗让主［-3］太辣，转捧入球大［3.5球］会系唔错嘅选择。
