贝迪斯挞着火力全开
周二凌晨多场好波上演，阿King又有心水推荐，其中西甲有联赛「失球王」拉科鲁尼亚主场斗贝迪斯。拉科条豆腐渣防线过去3轮联赛失够14球，已经搞到球队深陷降班区，呢场仲要面对攻力不俗嘅「神经刀」贝迪斯，两队随时再演入球骚，中位数2.5球入球大有1.54倍，攞嚟过关最稳阵。
联赛至今已经失左51球嘅拉科，绝对系西甲防守最曳嘅球队，而且佢的今季已经两度换帅，班波未夹熟上任主帅嘅战术安排，依家要听另一位新教头施多夫支笛，睇见都唔慌稳阵。施多夫球员时代崇尚进攻，相信拉科似乎会专注进攻多于改善后防表现，加上对手贝迪斯近5仗联赛全开3球或以上，呢场中位数2.5球入球大绝对冇走鸡。
