欧联主场坚硬淨
欧联16强首回合周三凌晨一触即发，祖云达斯将会先喺主场斗热刺。上届屈居亚军嘅祖记欧联经验老到，尤其老门神保方为首嘅防线阵容固若金汤，面对过往作客意大利表现曳爆嘅热刺，有望力保不失，呢场大战好有可能陷入胶着状态，入波唔慌会多，中位数2.5球入球细系心水推荐。
征意战绩差热刺唔敢乱攻
近3届2度杀入欧联决赛嘅「老妇人」祖记，2次都饮恨而回，对于从未捧起过欧联奖盃嘅门神保方嚟讲，肯定心有不甘，虽然佢今季饱受伤患困扰，不过近期已经好番可以再次披甲，有呢位队长提场压阵，肯定为「老妇人」防线打下强心针。而且祖记欧联征战经验丰富，近26仗欧联主场取16胜10和不败战绩，多得球队稳守至上嘅战术，宁愿食白果都要力保不失，佢的近13仗欧联主场只失5球，而且有9仗开2球或以下，主力攻击手保罗戴巴拿有伤，缺乏攻击力嘅祖记只会更坚决採取保守战术。
相反热刺虽然力压卫冕欧联嘅皇家马德里以小组首名晋级，不过佢的作客意大利嘅战绩麻麻，近8次只取1胜3和4负，冇往绩支持，热刺呢场相信都唔敢冒进，宁愿留到次回合再搏过，中位数2.5球入球细，绝对不容错过。
