火併巴塞前 锡住侯城
周六凌晨英足盃16强，车路士将会坐镇主场对英冠球队侯城。侯城今季跌落英冠后一蹶不振，状态同实力都欠奉，相反车路士近期面对侯城佔尽上风，取胜冇难度，不过两队近7仗有6次都开2球或以下，而且「蓝军」下周中即将喺欧联火併强敌巴塞，相信佢的呢场都会见好就收，唔会搏尽，中位数2.5球入球细有2.45倍绝对抵玩。
之前联赛2连败嘅车路士曾陷入低潮，一时间领队干地畀球会叮走嘅传闻上晒各大头条，好在上仗佢的终于以3比0击败西布朗，取得漂亮胜仗之馀，帅位不稳嘅干地终于可以鬆番口气。嗰场波新兵基奥特大显佢作为欧洲顶级中锋嘅功架，首次为车仔正选上阵，就帮助夏萨特梅开二度，球队仲成功力保不失，整体表现明显有提升，算系为嚟紧硬撼巴塞嘅大战热好身。呢场新加盟嘅艾马臣柏美尼好大机会献出首演，车仔预计会派副选应战，未必会大胜。
主场遇侯城小胜居多
相反跌落英冠嘅侯城，今季唔好话争取重回英超，就连英冠席位都危危乎，新年前仲炒埋带左半季嘅俄国主帅施卢斯基，本土教头艾坚斯接手后表现未见起色，球队英冠仅仅比降班区多出1分，护级形势严峻，边有閒情兼顾盃赛。好彩侯城虽然近7仗面对车路士输左6场，不过其中6仗开2球或以下，可见往绩佔下风嘅侯城唔至于场场大败，呢场撞正车仔同巴塞大战当前就住踢，中位数2.5球入球细绝对值得追捧。
