火力全开以攻代守
皇家马德里狗年第1击，今晚喺西甲作客贝迪斯，「银河舰队」今季联赛表现令人失望，卫冕希望名存实亡，好彩佢的近期火力全面回升，后面失几多球都有前面入番够本，今仗遇牌面稍逊嘅贝迪斯，中位数3.5球嘅大盘系最佳选择。
皇马今季条防线不稳，连续7场联赛都有失波，呢点亦系球队今季成绩低落主因，不过近期以C朗拿度为首嘅锋线就相当争气，近4仗联赛狂入18球，呢4场联赛总入球都达4球或以上。岩岩佢的又喺欧联16强以3比1反胜巴黎圣日耳门，除左打起晒成班波嘅信心，其中C朗仲梅开二度，近4场赛事轰入7球弗到漏油。值得留意嘅系，皇马翼锋加里夫巴利喺呢场欧联只系后备上阵，体力得以保留下，今仗对贝迪斯有机会复任正选，到时皇马想入多几粒都冇问题！
贝迪斯主场唔会缩
主队贝迪斯属于重攻轻守球队，尤其主场出击更加肆无忌惮进攻，经常製造夸张赛果，今季就曾经主场3比6输畀华伦西亚，以及0比5不敌巴塞隆拿，好消息系哥斯达黎加前锋祖尔甘保伤愈复操，而上仗疑似拉伤嘅中场古亚达度，证实无乜大碍，贝迪斯嘅锋力将得到进一步提升，今仗有望同皇马合演入球Show。
