强强对碰必有大手交易
今晚英格兰联赛盃上演决赛，由阿仙奴同曼城喺中立场温布莱球场，争夺今季首项锦标。英联盃已由过往嘅鸡肋升格为强队「护身符」，唔理系盃仔，起码赢左可凼住班管理层同球迷先，故两队今仗绝唔会手软，曼城今季对强队例必大手交易，建议捧中位数2.5球嘅入球大。
曼城依家喺联赛遥遥领先，联赛冠军已经系囊中物，不过哥迪奥拿上季初来埗到食白果，今次绝唔会放过喺英格兰首次捧盃机会，尤其系曼城上周喺足总盃爆冷不敌甲组仔韦根，真系乜面都冇晒，今场肯定加多两钱肉紧，务求拎番个双料冠军至收货，以目前曼城人脚同状态，呢个愿望唔难做到，问题系今场盘口曼城让半一低水唔多吸引，倒不如博吓大盘，分分钟可提早搞掂。
「蓝月亮」对Big6多入波
睇番「蓝月亮」今季对强队都相当多入球出现，6次对Big 6球队有5次出现大盘，当中联赛对阿仙奴赢3比1，斗热刺同利物浦更癫，閒閒地都有5至7球出现，哥迪奥拿踢法进取，即使系决赛战术亦唔会保守，所以唔使担心两队今场会斗泊大巴。
虽然赛前传出曼城前锋加比尔捷西斯及史达宁均有伤，今仗未必上阵，但曼城实在太人才济济，对整体实力影响唔大。至于阿仙奴方面，奥斯尔及艾朗蓝斯分别因病及伤患缺席操练，但情况唔系太坏，今场均有机会披甲，不过米希达利恩则因为曾替曼联披甲，决赛无缘登场。
两军齐用副选门将把关
今场另一开大有利因素系两队均有机会派二号门将把关，阿仙奴嘅奥斯宾拿近年上阵机会少，上周中欧霸对瑞典球会奥斯达辛斯亦失两粒，对信心点都有影响。至于曼城嘅哥迪奥巴禾今季亦主要喺本土盃赛上阵，但佢表现一向腾鸡，对开大盘绝对系好事。
