双箭头晒冷数胡
周六下昼多场亚洲波，阿King送上过关心水益大家。澳职头场上演重量级对决，「二哥」纽卡素喷射机将会主场硬撼「一哥」FC悉尼，悉尼过去9次对喷射机取得8胜1和佳绩，加上球队双箭头今季脚风顺到爆，客胜系心水之选。
今季掘起嘅喷射机绝对系澳职嘅一大焦点，不过比起传统劲旅FC悉尼，喷射机表现明显差啲火候，尤其近期状态甚为飘忽，联赛近5仗只得2胜2和1负频频失分，加上今场有队长兼主力后卫保加特受伤仲未必出得，防线有隐患，面对实力超班嘅FC悉尼，后防随时出事。
鲸鱼心雄追多铺
FC悉尼有几超班？睇睇佢的两大前锋保保同美亚斯祖斯基喺联赛嘅破门效率就即刻明晒，尤其近2仗入3球嘅保保更高踞射手榜榜首，有佢在阵嘅悉尼绝对有力再下一城，客胜咪走宝。
另外再拣场迟少少开波嘅布里斯班狮吼主场对阿德莱德联，陷入主弱客强困局嘅狮吼，近8主场录得1胜7负劣绩，不过佢的半场依然可以守得住，近4次主场出击就同对手半场打和，今场随时照办煮碗，一于追半场和。最后日职名古屋鲸鱼主场斗磐田山叶，重返日职嘅鲸鱼开咧首战落后劣势下，反胜大坂飞脚全取3分，士气大振，巴西「4亿男」前锋祖奥状态已经挞着，今场有力继续数胡，主胜不妨再追。
