星期六又有好节目！东网献上德甲直播，史浩克04主场对哈化柏林，女神Renee拍住走地专家乐比同Jason，继续喺《我爱酒地波》畀好料，呢排欧洲天气情况突变，大家想喺落注前收多啲资讯同心水，今晚记得准时上东网啦！
联赛榜3哥史浩克04近期两连胜状态火热，过去喺主场迎战首都球会一向有心得，佢的近9次主场遇上哈化柏林取得全胜，今晚睇牌面应该秤先啲，不过不利消息系今季联赛已入8球嘅首席射手古多贝斯托拿累积5面黄牌要停赛，前线顿失重心，更惨嘅系中场主力哥列斯卡上轮作客赢利华古逊嘅比赛，踢到下半场中段伤出，过去一周未能跟足操练，状态未足预期今仗会先任后备，如果冇埋呢位今季已交出4入球3助攻嘅领军人物，球队火力势必进一步削弱，未必咁易咬得入近期一心一意主守嘅哈化柏林，主W得1.57倍实在太奀，推介1.72倍嘅中位数2.5球细盘。
哈化作客细顶史浩克
哈化柏林歇冬后7场联赛只得1胜，睇落当然唔肋，但亦只系输过两场，教头戴达明白限米煮限饭唔敢贪心，决意加强防守抢得1分得1分，近期防线组织极为严密，就算反击时防线都唔敢压得好上，结果喺今年7场联赛全部开出中位数2.5球嘅细盘，近3场作客都保持零失球，上轮作客安联球场遇上班霸拜仁，佢的一样由头顶到尾，最终0比0闷和强敌攞到意外1分之馀，仲难得保持今季两循环斗拜仁都不败纪录。今晚作客遇上另一前列分子史浩克，戴达部署上根本唔使多谂，梗系继续守埋佢，咁入波又点会多呢？
