留力欧联
周末好波停不了，我阿King又有过关心水想同大家分享。头关有马拉加主场挑战巴塞隆拿，西甲包尾嘅马拉加表现曳到冇朋友，好在实力明显佔优的巴塞，近期攻力有所回落，近11仗10次开3球或以下，而且仲要兼顾欧联，呢场斗马拉加未必会尽晒力，中位数3.5球细盘捧得过。
季初走势强劲嘅巴塞，近排火力有所放缓，皆因球队倚重嘅两位主力前锋苏亚雷斯和美斯，都因为几乎全勤搞到疲态尽显，两人今季联赛合共为球队攻入44球，佔巴塞西甲总入球数6成以上，早前更曾经连续5轮联赛齐齐为巴塞入波，锋力所向披靡，不过佢两嗰咁犀利，巴塞真系好难揾人顶替。而且巴塞即将喺欧联硬撼车路士，今仗冇可能全力迎战，入球能力难有保证。
串帕托拿图胜阿美利加大
另外再拣两场早餐波，先有阿甲帕托拿图主场斗河床。河床联赛近6次客战全部输晒，状态曳爆，相反帕托拿图前锋施巴斯坦列巴斯近4次上阵入4球，有力击败对手，冷W有得谂。最后墨超CF阿美利加主场迎战利昂，踢法进取嘅利昂作客照同对手斗攻，近4次作客全开3球或以上，呢场入球大值得追捧。
