「雌狼」反击战今晚上演！意甲劲旅罗马喺欧联16强次回合迎战萨克达，想晋级要收复首回合落后1比2嘅劣势，今仗主场出击肯定尽地一煲狂攻，以「雌狼」近期强劲火力，要破作客曳到震嘅萨克达冇难度，一于热捧1.56倍主胜！
罗马首回合虽输1比2，但有个作客入球喺手，今仗只要赢1比0都可以晋级。罗马近两仗重振雄风，先后4比2大破拿玻里同3比0赢拖连奴，火力十足，加上射手迪斯高同守将法斯奥刚喺联赛坐波监，变相留力今仗大战，赢面极高。
萨克达作客脚软
萨克达喺乌克兰恶晒，但作客就完全唔掂，近7仗欧联客场输6次，当中5仗仲要输至少2球，认真羞家，今晚更有后防主力达里祖史拉停赛，相信难逃一败。
