今晚比赛唔多，但东网特别为大家准备左德甲独脚戏，由弗赖堡同史特加合演巴登符腾堡州打吡战，除左有万能主持邢安邦为大家评述外，仲有走地专家Jason为你分析全晚各场比赛投注策略，大家记得深夜上东网睇好波啦！
弗赖堡史特加斗硬淨
弗赖堡同史特加同位于德国南部巴登符腾堡州，两军大营相距只有130公里，坐火车往来唔使两粒钟，每次对垒双方球迷都特别重视，系德甲其中一场重要嘅打吡战，弗赖堡目前虽然只排第14位，但主场相当硬淨，呢支德甲最跑得嘅球队，防线十分稳固，遇上近况上升中，同样防守出色嘅史特加，绝对旗鼓相当，今场打吡战双方部署上都会以稳为先，赛前投注首选1.9倍半场和。
主队上半场好难失波
弗赖堡上轮作客摸和哈化已见防线出色，但返到主场更硬淨，经过统计，佢的今季平均每场奔跑74.4公里，系全德甲跑得最多嘅球队，尤其上半场，喺有气有力时真系好难攻破佢的大门，弗赖堡今季德甲13度主场出击，全场都只系输过两场，对手系联赛榜一哥拜仁慕尼黑，同二哥史浩克04，除左对呢两支榜首球队外，其馀11仗主场赛事，弗赖堡不但未输过，上半场仲未失过波添，不过佢的亦唔急于进攻，当中有9场半场开出0比0波胆，足见教练史特拉希作风贯彻以稳为先。
史特加今季长时间系作客虫，但自从新帅泰阿芬哥古特上任后，大胆起用几位新人试出彩虹，近6轮竟然取得4胜2和佳绩，不过除左作客对住有前冇后嘅科隆外，其馀大部分比赛都系以守为本，佢的近14场德甲有12场总入球系两球或以下，近5场联赛有4场零失球，既然主守搵到着数，今晚打吡战当然唔使变招啦！
