8强演「英超王者」对决
今晚英足盃8强上演「英超王者对决」，前季英超盟主李斯特城于主场迎战上季联赛冠军车路士。刚喺欧联16强畀巴塞隆拿淘汰嘅车路士，今季唯一夺冠希望剩低足总盃，今仗肯定搏尽抢攻求过关；近期回勇嘅「狐狸」亦唔会坐以待毙，佢的近5次主场面对「车仔」都有来有往全开大盘，今场中位数2.5球大盘有1.85倍绝对值得追捧。
防守转差 干地以攻代守
无论计人脚或球队资源，毫无疑问车路士肯定更胜一筹，事实上作为传统Big 6劲旅，「车仔」近5次作客面对李斯特城，法定时间取得3胜1和1负，往绩上都佔优，理应被睇高一线。不过车路士上周中岩岩喺欧联16强作客吞巴塞3蛋被淘汰，除士气大受打击之外，体能上都较输蚀，再者车路士近期作客表现劲差，近5仗客战输晒，夹埋仲失左12粒，以往嘅稳健防守荡然无存，领队干地属有料之人，深知球队近期防守麻麻，今场随时以攻代守，宁愿抢攻争取多啲入球。
李斯特城争盃精锐尽出
李斯特城现时联赛排名第8，既冇降班危机，又唔够班争欧战席位，可以全心应付足总盃，今晚主场出击亦会精锐尽出。李斯特城上仗联赛落后下，连追4球反胜西布朗，睇得出一众「士哥拿」脚气大顺，早前闹离队风波嘅马列斯亦「生性」交出1助攻1入球，证明佢回心转意为球队卖命，配合好拍档占美华迪，同喺足总盃经常有惊喜演出嘅伊恩拿祖，「狐狸」绝对有力对车仔后防构成威胁。既然两队为晋级准备放手一搏，今仗入波肯定唔会少，中位数2.5球嘅大盘不容错过！
