周日英超早场，阿仙奴将会主场面对史笃城。兵工厂今仗两大正印前锋齐齐候命，攻力有保证，不过今季阿仙奴出晒名攻强守弱，尤其主场出击经常同对手演入球骚，今场面对搏命争护级嘅史笃城，后防随时再有甩漏，中位数2.5球嘅入球大有得谂。
奥巴美扬拿卡锡迪孭飞
兵工厂落后联赛4哥热刺13分，要靠争英超前4博下季欧联入场券几乎无望，想踢欧联惟有靠欧霸捧盃，因此球队今仗料会收起部分主力，留力下周欧霸8强首回合硬撼莫斯科中央陆军。不过今场两位主力前锋奥巴美扬同拿卡锡迪都有望上阵，除左因为前者唔合乎资格帮兵工厂出战欧霸，今场无后顾之忧之外，拿卡锡迪亦岩岩伤愈复出，肯定希望靠呢场攞番比赛状态，阿仙奴嘅火力不容忽视。
而且兵工厂喺主场向来主动，近9仗全开3球或以上，总共轰入23球失14球，自己地头作赛永无闷场。加上深陷降班区嘅史笃城为护级肯定会搏命抢3分，而且近4次作客面对兵工厂有3次都开3球或以上，睇怕今场对攻战实走唔甩，中位数2.5球入球大唔好错过。
