噬红军複製巴塞奇迹
欧联8强次回合重头戏嘅英超内讧，「蓝月亮」曼城主场再斗利物浦，首回合曼城作客惨吞3蛋，今仗返主场要尽地一煲拼死狂攻，务求重演今季联赛首循环5比0大炒红军嘅好戏。不过利物浦向来遇强愈强，对手狂攻岩晒红军班反击狂人胃口，两队火力十足，博中位数3.5球入球大冇甩拖。
利物浦欧联作客丧入波
曼城首回合作客利物浦除左惨败0比3，全场射门更录得零中目标，战况可以话一面倒，不过有上届巴塞隆拿16强先输4球，照样反胜巴黎圣日耳门晋级嘅先例，相信冇人敢断言曼城全无机会。今季英超首循环碰头，曼城就曾经喺主场大胜利物浦5比0，所以「蓝月亮」今仗肯定唔会放弃。
事实上，曼城系今季英超主场入波最多球队，16仗主场共轰53球，平均每仗入多过3球，进攻三叉戟奇云迪布尼、加比尔捷西斯同阿古路喺上仗联赛都只系后备上阵，摆明为今仗绝地反击做准备。不过，曼城连续2场比赛都失3球，防守上有一定漏洞，可能系佢的製造奇迹最大隐忧。
利物浦依家形势大好，首席射手穆罕默德沙拿首回合受伤，不过今仗可以复出，虽然队长佐敦轩达臣要停赛，不过「红军」嘅反击战术系球坛数一数二，穆罕默德沙拿同沙迪奥文尼速度奇高，对住空群而出嘅曼城大把空间发挥，睇番利物浦近3仗欧联作客丧入15球，今仗开入球Show机会好大。
